තරුණියන්ගේ අත් මා වටකර
සැකසුවා මගේ කොන් හතර
පැක් කරලා පලාස්ටික් කවරයක
රෙදි ගොඩවල් අතර
රැගෙනවිත් කඩයකට
උස් රාක්ක මත
සිටියෙමි කාලයක් යන තුරු
තරුණයෙකු පැමිණ දිනක
මිලදී ගෙන මාව
රුගෙන ගියේ ඔහු එක්ක
ලෝකය පෙන්නන්න
විලවුන් වලින් නහවා
දිනක් මා ඔහු එක්ක ආවා
යුවතියක් අතින් ගෙන
බංකුවක කාලය කැවා මේලෙස කාලය ගතවුවා
සර්ෆ් එක්ස් එල් වලට හුරු වුවා
ගැමි යුවතිය දැනගන්න
ඔහු නිතර එස්එම්එස් ගැහුවා
අඳුරු වැහිබර දිනක
කෙලසුවා ඔහු ඇයව
ඇය කඳුළු වැගිරුවා
වැටෙන කඳුළු මා බිව්වා
සිහිවටනයක්ලෙස එදින
ඇය මාව ගෙන ආවා
ඇගේ සුවපහසු කබඩ් එක
කොනක මා ගුලි වුවා
එස් එම් එස් ගැසුවා ඇය
පිළිතුරක් නොලැබ
ඇමතුවා දුරකථනයෙන්
ගුලි වුනා දුකෙන් ඇද කොනක
දින දින කඳුලින් ගෙවුනා
අගේ කඳුළු මා බිව්වා
ඔහු සමඟ තරහාගෙන
විසිකෙරුවා මහ පොළව මත
නැවත දුරකථනය වැඩ කෙරුවා
එස් එම් එස් ගසනවා මම දුටුවා
කීප දිනකින් ඇය සතුටින් ආවා
