මට දැන් නොලියා ඉන්න හිතේන්නේම නෑ. මොකද මම ලියන දේවල් පහුගිය දවස් දෙකේ ගොඩක් දෙනෙක් කියවන බව මම දන්නවා. අද වැඩට යන්න කලින් තමයි මේක ලියුවේ. ඒ කියන්නේ දීපවාලී දවසේ නමුත් මම අදත් වැඩට යනවා. වැඩ කරන එකෙන් මම ලොකු තෘප්තියක් ලබනවා. පැති 3 කින් ඒක මට උපකාර කරනවා.
- මට පඩියක් ලැබෙනවා
- මට අද්දැකීම් ලැබෙනවා
- මම ආස කරන නිර්මාණ Designs කරන්න ලැබෙනවා
මම ගැන කියෙව්වා ඇති නේද? දැන් අපේ මාතෘකාවට බහිමු. මම කියපු දේ අහලා ඔයාලා ඊයේ පෙරේදා උදේම නැගිටින්න ඇති. ඒ වගේම ව්‍යයාම කරන්න ඇති. දැන් ඔයාලා ශක්තිමත්. ජිවිතේට මුහුණදෙන්න ඒක වැලඳගන්න. ජිවිතේ කියන්නේ අපි පුංච් කාලේ(සමහර කොල්ලෝ කෙල්ලෝ තාම මේක කරනවා) තුරුළු කර ගත්තු කොට්ටේ වගේ. ගොඩක් සුන්දරයි. නුමත් මේ සුන්දර ජිවිතය අසුන්දර කරන්න ගොඩක් දේවල් අපි තුළම තියෙනවා. බොහෝ තරුණ අයට මානසික පීඩනය දැනෙන්නේ වැඩ වැඩි වුනාම. ඔළුවට උඩින් වැඩ අම්මා තාත්තා කෑගහනවා, නැත්නම් ආයතනයේ ලොක්කා, ඇයි අපේ ගුරුවරු ඔන්න එතකොට අපේ මානසීක පිඩනය වැඩි වෙනවා. මෙහෙම වෙන්න හේතු 2ක් තියෙනවා.
- පිලිවෙලක් නැතිකම
- කාලසටහනක් නැතිකම
එක එකටම බලමු
පුංචි කාථාවක් කියන්නම් කෝ මුලින්ම
ඇත්ත කියන හාමුදුරුවෝ දවසක් තරුණ ළමයි පිරිසකට දේශනයක් දුන්නා. එයා මුලින්ම වීදුරු බෝතලයක් පෙන්නලා ඇහුවා මේ ගල් හා වැලි ඔක්කොම වීදුරු බෝතලයට දාන්න පුළුවන්ද කියලා. ගොඩක් තරුණ ලමයි කිව්වා එක කරන්න බෑ කියලා. නමුත් හමුදුරුවෝ මොකද කරේ, බොහෝම සීරුවෙන් ගල් ටික බොතලේ තුළට දැම්මා බොතලේ පිරුනා. ළමයි ඇහුවා හමුදුරුවනේ මේ වැලිත් දාන්නා පුළුවන්ද කියලා. හමුදුරුවෝ කිව්වා ඔව් දාන්න පුළුවන් කියලා. ඊට පස්සේ හමුදුරුවෝ හෙමින් වැලි බොතලේට හැලුවා. ගල් අතරින් වැලි ඇතුල් වෙලා සේරම වැලි ටික බෝතලේට දාන්න පුළුවන් වුනා. මේකෙන් අපිට පුංචි පාඩමක් ඉගෙනගන්න ලැබෙනවා. හිතලා බලන්න ඉස්සෙල්ලාම වැලි දැම්මා නම් ගල් ටික දාන්න හම්බවෙන්නේ නෑ. ඒ වගේ තමයි අපි කරන වැඩත් පිළිවෙලකට නොකරොත් ගල් ඉතුරු වුනා වගේ වැඩ ගොඩගැහෙනවා. නමුත් පලිවෙලක් ඇතුව කරා නම් සේරම වැඩ ඉවර කරන්න පුළුවන්.
ඒකට කරන්න පුළුවන් හොදම දේ තමයි අපේ වැඩ සැලසුම් කර ගන්න එක. සෑම දවසකම උදේට නැත්නම් රෑට දවස සැලසුම් කරන්න. ලයිස්තුවක් සකස් කරන්න. පහුවෙනිදාට නැත්නම් අද දවස තුළ කරන්න ඔනා වැඩ මොනවාද කියලා. ඊට පස්සේ ඉක්මනින්ම කරන්න ඔනෑ වැඩ අංක එකට එන විදියට වැඩ අංක කර ගන්න. මුල් අංකය මුලින්ම ඉවර කරන්න. දවස අවසානේදී ඔයාට තේරෙයි විශාල වැඩ තොගයක් කළා කියලා. වැඩ ඉතුරු වුනොත් ඒවා ඊලඟ දවසේ මුලින්ම කරන්න.
ම් ........... කාල සටහන හදන එක ගැන හෙට කථා කරමු නේ ................
No comments:
Post a Comment